靓靓JP屋企

 

    前两日发现自己唔记得MSN既password，好怕以后无得上来update个space，然后无晒所有记忆，唔开心；当发现自己keep左个password响佛山部laptop，突然之间偶莫名既兴奋，好开心甘上离update。对唔住，以后我会多D上离。

 

    今日响公司对住D唔听话既人仔，唔开心；同Candy畅谈“勇敢的爱”，好开心。

 

    响顺德HEA，好开心；响屋企宅，唔开心。

 

    光棍节K房狂欢，好开心；卑人反锁兼无人回短信，唔开心。

 

    在上海见到你，好开心；当某个moment发觉相对无言既时候，唔开心。

 

    一个人好努力甘去到西塘，好开心；响西塘见到一双一对既人响度伪浪漫，唔开心。

 

   辛苦唔紧要，开心最紧要既

 

 

    清晨既阳光洒落在塞里木湖既湖面，洒在我地既帐篷，温柔而细腻，让我迷恋在温暖既睡袋，迟迟不愿起床。唯恐错过塞湖既日出，还是懒懒地钻出来，当我第一眼见到此时既塞湖，我真系O晒嘴，宁静既湖面铺上一层金色既柔和既淡淡既“缎”，朦胧，体贴。。。是到仙境吗？宁静既画面逐渐被“破坏”，老爷爷起床晒奶酪，牛羊也开始在草原上闲逛，我地既车也都准备离开了，离开梦幻既塞湖，继续让我更加期待新疆之旅了。

 

    车子沿着塞湖开进，沿路蓝天白云，忘记了是经过果子沟先还是到了霍尔果斯口岸先，其实就是一个小口岸，个人对于俄国既东东也不怎么感冒，不过雪山之下既口岸，显得特别干净。稍作停留，继续我地既行程，目标系好大片好大片既薰衣草，但当你见到所谓既薰衣草之后，你一定会好失望，因为其实好细片既地，而且零散既，好似普通既菜田一样，完全不可以联想到法国既普罗旺斯咯。当然，6月底既薰衣草开得正是时候，相片既颜色也相当漂亮，随处路边都有既薰衣草地也让人感觉到65团的确是中国既薰衣草基地。只是，“见到薰衣草，你有初恋既感觉吗？”呃，无咯，完全无感觉，唯一既感觉就系，还是要去北海道，还是要去普罗旺斯。而所有的薰衣草加工品，要到团既专卖店购买，统一标价。问到司机，点解，现在既“薰衣草田”会如此零散，原来，所以薰衣草种植和收割都要经兵团统一价格，各自农民就没有动力来种植薰衣草了，司机语重深长地说了一句：“团里的事情，多着呢。。。”

 

    不知不觉来到中午，在司机既介绍下，我们在霍城来到一间东江特色既餐馆，很干净，我还偷偷在宽大既洗手间干洗一番。东江鸡和大碗茶是很有特色的，超赞；炒蛋同木耳都很正，一吃就知道是土家蛋。后来跟老板闲聊，才知道老板的儿子在广州天河开有分店，新疆人既势力真系。。。午餐过去，我地来到了所谓既惠远古城。唔好怪我坦白，对于那个钟鼓楼，完全没有感觉，呆坐等司机洗车，然后好好地品尝了新疆既西瓜，真的超甜超有水分啊。一路没有惊喜地来到伊宁，会合了小朱，我地第五位团友，终于入住旅馆，可以洗澡洗衣。

 

    下午大概4点，我地开始出动了。独行侠小麦继续行走，我就跟住老余同小刀在红旗路既夜市游荡，当地既卡瓦斯真既好正，其实可以翻屋企自制既，就系蜂蜜加啤酒者，呵呵。还有那酸到入肉冻到入心既冰酸奶，虽然在新疆炎热既酷热之下，但系我依然无办法接受。根据攻略，我地应该在9点之前赶到伊犁桥观赏日落，结果日落在10点还没有降临，阳光很刺眼，等到我地同小麦、小朱都会合的时候，太阳公公还在顽强地坚持着，完全没有休息既意思。接近晚上10点，见到左传说中既伊宁既传统婚礼，新郎和新娘从伊犁大桥在亲朋戚友既簇拥之下徐徐走来，走到简单既“码头”，坐上小“飞艇”，在伊犁河泛舟一翻，场面简单、温情、浪漫。特别既系，在伊犁河大桥旁边有个小小既摩天轮，难道那就是传说中既幸福摩天轮。我唔知道伊犁河对于维族人来讲意味着什么，但我可以好肯定地讲，当日我见到既几对新人，面上露出既笑容系好。。。好真实，好幸福。

 

    日落之后既小聚，正式宣告我地diversity既团队确立，明天开始我地既伊犁草原之旅。

 

 

    澄清一下，我到达新疆既时候系6月20日，7月5日赶在暴动之前回来了，唔使担心。

 

    青年旅馆早晨特别安静，狂欢玩既驴友都在休息，要出发既驴友则安静地收拾准备。旅馆既人很贴心地就睡在厅里，随时为我地安排退房事宜，默默送上祝福。在旅馆既大厅，见到我今次旅程除了小麦之外既两位驴友：小刀和老余。呃，，，咋一看，就是两位叔叔。各自背着大大既bag，我地步行到左碾子沟车站，街边早餐过后，我地坐上8点半出发既大巴，向塞里木湖出发。第一次坐在新疆既大巴，感觉还是很震撼既，两旁都系风景，黄绿相间既稻田连绵不断，如果讲，那里真的有尽头的话，尽头就是雪山，白茫茫既雪山，天虽然没有见到过香格里拉既蓝，但同样是没有杂质的。虽然美景的确很吸引，但系出发前一晚我还在挑灯夜战，很容易地，在八个钟头既车程里面，我昏睡了一阵又一阵。

 

    到了下午大概4点的时候，一粒明珠，蓝色既明珠走入了灰蒙蒙既车窗中，全车人都哗了一声，那就是塞里木湖。可能因为天不是特别的蓝，又可能车窗很多灰尘，感觉就是很朦胧很梦幻。我既眼睛一直没有离开这颗蓝色既明珠，直到我们下车。草原上既“商人”十分热情，纷纷围住我地四个人，谁叫我地大大既背包已经出卖了我地水鱼既身份啦。“商人”不断兜售渠既帐篷和骑马，我第一行四人开始表现唔同既反应，都几搞笑。小麦不管“商人”多么烦人，就是在发短信询问走在前面既驴友关于价格等等。老余开始还会关心一下进度，后来都索性自己去到湖边漫步拍照；小刀完全就是一个局外人一般，不过起码他不会周围走，我其实就不忍心抛下小麦跟一堆陌生人讨价还价，不过小麦还是够拖拉的了。怎么觉得今次旅程既同伴甘奇怪既。磨蹭左大半个小时，终于成交了，50元一个多小时，然后也不知道为什么我地要等埋另外4个驴友，anyway，我人生第一次骑马，虽然有马夫牵马，但系我一个人骑在上面，甘都算挂。

 

    很幸运，带我既马夫系第一天到高原上工作既，骑着既马只有8岁，也是第一天来到高原上来，很乖很纯的说，跟我一样，呵呵。我地没有在湖边驰骋，而是爬上了湖边既小山丘，第一次见到阳关折射下，牧民在山丘上放羊，见到草原上点点既小花，傻傻既我惊叹不已。蓝天飘来几朵白云，塞湖湖面有点轻烟袅袅既感觉，高山明珠不如想象中明艳动人，而是相当羞涩的，呵呵。在山丘从高处欣赏这颗明珠，别有一番风味，或者在山丘上，见到呢个蓝色既湖面被四周绿葱葱既山丘包围，那才感受到塞湖真正既美丽。大半个小时过，我地回到湖边，开始欣赏塞湖既日落啦。不时见到一大群既牛羊马在你身边经过，真的不值得惊喜什么。听说今天在5公里以外既村庄有“叼羊”观赏，可是这些“商人”们含糊不清地说，带你们去，玩得开心你们就随便给些少吧。我也不知道这淳朴还是漫天开价，可能平日在商业社会呆惯了，这样的开价，我还不知怎么去砍。

 

    除左小刀住在蒙古包，我，小麦，老余就拿出之前既装备，准备露营。对上一次露营，都已经系唔知几多年前同细路响惠东个海滩既事了。湖边有人家住，也都有很平坦既草坪，个人觉得还是值得在塞湖住那么一晚的，虽然这里景色变化不多，但是呢度系sell "宁静"噶嘛，系应该慢慢欣赏既。在唯一一件小食店里面，我，小刀，老余吃了个羊肉面，每人20大元，可是很美味哦。早晚的温差还是很大的，晚上8点多，我已经穿起羽绒。在我地完成扎营之际，发现湖边有只白马在肆意地喝水，可惜我用g10既动作真系慢到离晒谱，这个时候马既主人，一个小伙子过来了。我淘气地跟他说:"你可以让它再喝水吗？”“恐怕已经喝饱了”。无趣的我嘟了嘟嘴。小伙子似乎有点愧疚，然后说：“要骑马吗？便宜点。”不知道哪里来的倔强劲，我分明顶撞他说“我还以为你说免费，免费我就骑一趟。”小伙子惊讶地问了问：“什么？”我当真什么都没有想，就说，“免费啊”。小伙子居然答应了，然后带着我在湖边驰骋，呢个时候，我竟然有点不好意思，开始跟他闲聊起来，小伙子20岁不足，大概10多岁就在高原上靠带客人骑马为生，家里人在村里打理牧羊。一不小心，小伙子有意无意地绑马缰的时候，碰到我手，也是有意无意地说了一句：“是不是城里面女孩子的手都是又白又滑的？”呃，虽然我人比较迟钝，但是也是有危机意识的了，礼貌地跟小伙子说，还是回去我地既营地吧，骑白马不是都是王子啊。。。

 

    回到我地扎营既地方，小麦和老余谴责我没有跟组织行动，唔知几时开始，我地已经成为一个组织了。咩时候，我地做人可以唔使用脑呢，可以任意妄为呢？瞎扯了。。。呢个时候，大概晚上点9点，塞湖开始日落了，虽然云雾还是很多，但是夕阳既余辉映在云彩当中还是相当美丽的，犹如为塞湖披上了红色既薄纱。在迷蒙既夜色当中，很快，我躲在姊妹既睡袋当中昏昏入睡了。第二日起来，已经错过了日出，但初升既太阳特别柔和，老人家起来晒奶酪，没有游人，只有炊烟。。。

 

    跟昨天其中一位“商人”既哥哥确认了租车既事情，300元把我们拉到伊宁，要跟这宁静美丽既塞湖讲再见了。。。

     现在才知道机场原来有starbuck，行程由不好喝既焦糖咖啡星冰乐开始。。。焦糖甜味还可以，但不喜欢咖啡跟Jelly既搭配。

 

 

    响吴哥既最后一日，最值得highlight既就系我地既火锅啦，第一次食鳄鱼肉。。。

 

    历史4个月，终于将简单既柬埔寨5日行完成啦，仲要稳啊Sara，女人同Meri去罗翻d相先得。 2009， 继续游走。。。

 

    已经从云南回来了，还是欠着自己柬埔寨和九寨既游记。看来还是要多加努力尽快完成才行，如果唔系就赶唔切做下一站既攻略，同时也都丢淡了回忆，行程可以从攻略和照片当中搜索，但系当中既感觉就会很快很快丢淡。。。

 

    包车既事情提早一晚就搞掂，我地跟同行既伙伴再交代一次经典既过程，然后我地就顺利到达第一个目的地“女皇宫”。同之前圣剑寺等既建筑风格好吾同，色调显得得很有泥土气息，在褐色既土层和岩石表面，透出浅黄浅红大自然洗礼赋予既色彩。然而，呢度既卖点吾单单系色彩，还有精美既雕刻。难以想象，古人点解可以在坚硬既红砂石上面雕刻到犹如木雕精细既图案，乃至龙头里面既牙齿都依然“健在”。“女皇宫”既结构很简单，四四方方，长长既走廊进入建筑既主体，后面有花园池塘一个。其实吴哥既建筑结构都吾复杂，只是精准，对称，均衡，感觉稳重而又各有特色。

 

    驱车前往哥布斯滨，在烈日之下能够窜入丛林，当然凉快舒服啦，沿着两岸有很多石雕，但是于我就是见过就算啦，基本傻瓜一轮之后，就继续沿着瀑布前进，其中哥布斯滨最著名既，就系河床雕刻，号称“千林伽河”。只是丛林风高气爽，越行越舒服，不过具体既古迹真系唔多睇得明，哈哈。

 

   吴哥之行既最后一站，就是奔必列，一个最神秘最惊喜既景点。沿路走到景点，见到既系一大堆乱石和一幅城墙。整个景点陷落在荒野之中。正当我地唔知道从哪边出发，有一位啊姨，感觉是呢度既管理员，或者附近居民，以简单既英语，很友善地带着我地左右上下乱窜。其实奔必列既架构应该正如吴哥一样，都系整齐规矩既皇宫架构。但系由于被丛林淹没，而且已经被毁坏很多，所以其实旁人系很难辨认方向既。我地参观既时候游人也都唔多，呢个友善既姐姐，不但带我地走过遗迹，与此同时，也都伸出“援手”，不时帮我地一把，让我地呢D城市人响乱石堆，黑暗既房间同隧道当中游刃有余。今日很认真review，后悔没有同呢位朋友影张相。不过脑海里面还记得她开心友善既面孔。

 

     圆满结束我地吴哥三日游，晚上我地又响大排档欢。

 

   26，曾经觉得系结婚生子既年龄，现在依然单身。。。单身系快乐，可以感受暧昧，可以享受自由，但有寂寞和孤单既时候，庆幸还懂得知足。知足常乐。

 

   原来你非不快乐，得你一人未发觉。。。感受生活，从心出发。。。  

 

    估计大家都久等了，还是要坚持下去，坚持自助游，plan行程&出行&再而游记，时间会很充实很充实。

 

    即食面加local小食，丰富既早餐之后，我地来到第一个景点：圣剑寺。出发前还发生了小插曲，楼下那两个女人竟然忘记了时差，早了整整一个小时叫醒我地。

 

    但当我第一眼见到圣剑寺既时候，我竟然想起塔布隆寺。青苔既青绿显示着活力，回转既走廊却处处体现着他既历史张力。跟塔布隆寺不同既系，圣剑寺显得更加简洁有力，或者因为来到圣剑寺既然系早晨，大家都显得特别有劲吧。从游客中心一直走在树荫大道之下漫步，终于来到了中心建筑，估计原来应该系圣殿既门口，残留既门同柱不同层级地树立着，依然让人够受到神圣既感觉，不同深浅既绿苔更加让这历史遗迹处处体现着顽强既生命力。

    圣剑寺系我响柬埔寨最喜欢既古迹，因为它的特别。圣剑寺显得更加多彩和青春，大自然真系好叻好叻既油画家，青苔为石雕染上了淡淡既绿，泥沙又轻轻地为石雕染上了土黄，淡红，还有阳光既映照，让人感觉就在流连于出彩而低调既色彩世界。比色彩更加吸引既系呢度既回廊，回廊错综复杂，估计呢度系经典既摄影采景点。或者我缺乏既言语吾能够表达圣剑寺所呈现既张力，但系我地几个女人就响呢度流连了足足整个早上，欣赏，感叹，还是欣赏，还是感叹。

 

    走出色彩斑斓既圣剑寺之后，原来已经来到午饭时间，响附近既小食店觅食。价格既高昂，连我地都觉得渠系呢度消费的话，我地既Tuk Tuk司机系有回佣既。不过还是有收获的，就是跟三位不相识既朋友相识了，明天拼车就打算跟我们Tuk tuk司机介绍的。后来才发现下文如此的反复，也不知算不算收获啦。

 

    龙蟠水池就是一个水池，无水既池；

    东梅奔，有很可爱既象同很蓝的天；

    比粒寺，很舒畅既凉风，舒畅到让人吾愿意离开；

    豆蔻寺，精致，深刻；CA既刻画体现着历史；

    皇室浴池，就是一个很大既湖咯；

 

    晚上我地来到Red Piano对面既成行成列既大排档，呢度真系严重值得推介，呢度既juice好正好正，你叫杯芒果，你系见到渠落足一只芒果榨杯新鲜果汁过你。简单既menu，简单既措施，不简单既厨艺，好香，非常够锅气。两晚大排档，系吴哥最美味既回忆。约好酒店既司机，或者真系好人好报，发觉我地出行总系会遇到好人，酒店既司机大概系个小朋友，免费送我地去到按摩中心，4个女人好好甘享受了一趟泰式按摩。虽然价格比起街边标价既要贵，但毕竟系有组织既按摩中心，总算好好体验一翻，本人还是中意第一次既盲人按摩，想起都舒服。。。现在一边写，一边希望，听日可以抽到D时间去dup下，真系好累好累。。。然后仲去埋香港人餐厅饮夜茶，D凤爪居然系酱醋味既，萝卜糕还不错，人系有思乡情结既，呢种感觉，嘴巴最会感受得到。

 

    当我地欢完，回到酒店，大概系司机（老板既侄子）跟老板讲左我地听日既车比较贵，老板自己有包车，于是就好积极甘同我讲数。听细路讲，老板就系网上传说既中文导游，台湾后人，呵呵。本来系想将我地呢班人都帮手扯过来，点知睇住个靓仔导游兼老板讲左几个电话，最后还是让原来既司机拉我们这一趟，不过就把价钱压了下来，好无私，我地就将刚刚买到既水果拱手相让。。。anyway， 出门遇到好人，系好开心既事情

 

    在丛林中，Tuk tuk车司机飞快行驶着，直到通往吴哥通王城既南大门，见到左旅程当中第一尊四面佛像。大门外两旁分别有恶魔和神像排列着，大概也是讲述着“搅拌牛奶海的主题”；佛像面带微笑，温柔和蔼。进入到王城既核心地带，我地要先医好个肚，开始左我地向柬埔寨既野餐。面包&火腿&果酱，完全无想象过原来可以甘饱。我地野餐既时候，一班台湾既团友发现左我地，好奇地问我地自己点样过来，怀疑我地还是读书既小朋友，简短既谈话，让我地觉得又兴奋又自豪，特别系当人家以为我们还年轻既时候。

 

    “午饭”完毕，我地沿着主干道一直走，放眼望去，绿色既草坪一大片一大片，路上有几座犹如欧洲古堡既建筑，大概都是王城既遗迹，后来才知道这就是十二塔庙，。几个女人先系千辛万苦稳到旅程中所见既第一个洗手间，免费，清洁，建筑简洁有特色，真系正如攻略所讲，系见到最好最正既响旅游景点既洗手间。我地忍受唔到猛烈既阳光，走入丛林，准备开始走进呢D古城遗留下来既“豪门大宅”，自行认购塔庙。原来我地忍受唔到既仲有周公既呼唤，响凉风阵阵，又有绿树遮荫，草坪席地，我就甘样训左大半个钟。如果以前，我饮几多杯咖啡都撑住，唔想浪费一分一秒既，不过呢度真系好舒服，同埋大个左，开始放轻松，何必样样也都计算住而且逼住自己呢？真系食饱训醒，我地开始快乐地游玩响呢个绿色包围住既天地，认领古城遗留既建筑，想象着哪里系花园，哪里系窗户。。。

 

    其实主干道既另外一边，有着另外一些景观。呢个时候既我地，似乎已经精疲力尽，再没有心机拿出五月同LP去逐一配对眼前既景色，单凭感觉欣赏。

    中央广场上绿色草坪十分开阔，凉凉的风会让人舒舒服服响度坐一日。

    几只可爱既大象，传说中既战象台阶。

    浪漫既通道，在林荫之下应该通去巴方寺，但系我地却步，因为炎热，因为审美疲劳。

 

     终于，原路返回，见到了象征着微笑的巴戎寺。54座宝塔上既四面佛，据说让人在寺里面不时都感觉到有佛像向你微笑。充满宗教色彩同时又点让人觉得恐怖。但当你逐步步入巴戎寺，细心观赏佛像，逐层攀登，越发觉得心灵广阔。“吴哥的微笑”，我吾知系象征神对世人既关怀或监督，定系象征国王既称霸，还是人们喜怒哀乐既写照，只知应该好好享受和保护。在巴戎寺，我帮其中一个小朋友照了相，她厚颜无耻地问我要一美金，而我报以一堆糖果做回答，还另加一个友善既微笑。响巴戎寺庙内，除左“吴哥既微笑”，还见到巨型既“林迦”--即男性生殖器官。虽然宗教既信仰很难让人理解，不过可以想象民众既虔诚。

   

     大概因为今日早起床，感觉时间过得很慢。完了吴哥王城，我地还到了所谓吴哥周边小圈既其它景点：

     体现中柬友好关系既，经两国科技人员合作修复既周萨神庙；

     托玛农神庙，青苔既绿色，清新而自然；

     碎石，庭院，走廊，还有青绿的苔藓，最吸引既还是错综复杂而苍劲有力既树根系，讲紧既系塔布隆寺。响哪个方位都好，仰头看看，都会见到枝叶茂盛，而且耸立于碎石当中，各有各姿态，但系你会感觉到生机和韧力，呢两样也，做人也都系好需要既。

 

     终于，走了个小圈。晚上响Temple，一间有show睇既餐厅，终于好好饱吃了一顿，出去东南亚几个国家，感觉柬埔寨的东西最容易适应。牛河确实很好吃；food shake也很好。在热闹既night market逛了个圈，还试了下当地既啤酒，就是记得不怎么好喝，忘记是特别甜还是特别苦。

    

 

    提起笔继续写系好需要勇气既，柬埔寨5日完了，还有圣诞既九寨。。。。卑D掌声自己先。。。

 

    早上四点半，我地就摸黑起身，罗住寻日响超市买既即食面离到大厅，发现有个哥哥响地下打地铺扮无卑我地吵醒，我地就只好偷偷摸摸煲水洗饭盒狼吞虎咽，扮无吵醒渠。扰攘左一翻，终于出门，今日既tuk tuk司机显得老实很多，天还是乌漆马黑既时候，我地就充满期待向吴哥出发，BTW，对于我地四个女人来讲，起那么早都算是奇迹咯。。。

 

    沿途你会发现灯火通明，吾系吴哥既道路建设先进，而是路上满是前往吴哥的Tuk tuk，车头灯连成一线，宛然就是移动既路灯。可想而知，朝圣既人如此的多。响《五月盛放》里面，呢D灯火被称之为“萤火虫”。寻日到巴肯山睇日落途经吴哥既时候，就已经被恬静既护城河吸引。呢个时候既护城河，倍添神秘。很快，车子到了人气聚集既地方，我地落车后，发现人们已经到处寻找地理优势，务求捕捉当阳光洒在神圣既吴哥果一刻。当我地下车，周围眺望，眼睛熟悉了神秘而黑暗既环境之后，突然间发现五座东西正在我地前方，那就是吴哥窟。 奇怪地，吸引我既除左五座圣塔，仲有圣塔旁边有如“升气球”既树，应该是树吧，但系点解可以棵棵都甘高甘大既，通往五座圣塔既天界桥旁边既护城河又系如此既对称。所有都系甘精确，让人觉得呢个系响梦中才会见到既城堡。想像吾到，在1858年既然那个晨曦，亨利发现呢五座圣塔既时候会点，会不会“惊艳”到晕低一阵阵。

 

    大概因为呢幅让人震慑既图画，让我地吾敢随便走近。四个女人原先还打算就留在检票处两旁观日，还自以为稳到好位，无人遮挡，殊不知我地还未真正步入吴哥窟。终于，不断既人流让我地醒悟了，当我在天界桥上走向那五座黑压压既圣塔，心里面突然间变得很宁静，感觉好清新，吾知点解。吾需要导游，吾需要地图，吾需要指示，跟随人流来到蓄水池旁，我地既摄影师终于开始稳位啦，天色很暗，我地就在那里舒服地呆了差不多一个小时，太阳公公没有出来，只有些许金色既余光洒在圣塔上。天色逐渐明朗，原来呢度系个大广场，到蓄水池前经过两边的图书馆，前面就系吴哥既主殿。蓄水池的荷花错落地开着，映衬着那几棵高高的大树和五座圣塔，如果有蓝天白云，呢度简直就系童话得不能再童话的城堡了。

 

    依依不舍地离开并不艳丽既日出，我地开始参观吴哥窟既几层主殿。靠着LP同五月既解释，勉强读懂墙身上的浮雕。印象最深刻有“天堂和地狱”以及“搅拌牛奶海”，大概因为呢两个既雕刻最容易认出吧。天堂同地狱就只有一线之差，好多也其实都系一线之差者。浮雕未审阅完毕，我地就急不及待走上第二层台阶，走廊旁边既仙女神像响呢个moment开始得到我地摄影师既青睐。当到达第三层台阶，楼梯异常陡直，而且都拦住了。后来得知呢度应该就是鼎鼎大名既爱情梯。继某人提议响天界桥做cat walk show之后，我相信吴哥窟既婚纱照应该也很吸引，而且徒添了几分神圣。盘旋在走廊之间，同女人发现吾见左细路同Merri，吾知点解，虽然觉得累，但系从来就吾觉得会稳吾翻。突发奇想，如果当时真系稳吾翻，吴哥窟会吾会可以开广播叫某人响检票处等呢？食住面包，睇住LP，不知不觉，流连了四个多钟头。

 

    我地终于开始我地既下一站：吴哥通王城。到了吴哥通王城，到了巴戎寺，我开始明白咩叫吴哥的微笑。  -----待续

    总以为last minute去check in系电视里面既情节，上次同李琳泰国机场退税/过关已经好险好险，点知今次仲险过剃头，我11点半响屋企出门口，仲要11点8响士多仔print紧攻略同地图，女人竟然有短信话已经到左机场。原来，我地趟机系1点，而我一直记得系下午2点半，那个系到达柬埔寨既时间。11点8，我唯有飞的去白云机场，花费洋洋115大元，半个钟头内到达，真系响check in前1分钟到达柜台，晕！其他三个女人都被我吓了一额汗。。。好耐都无坐过有飞机餐食既飞机啦，呢程飞机足足3K，miss左就真系劲晕啦。

 

    时间过得很快，一下机就是热气逼人，太阳很猛，天不是很蓝，好像蒙上了一层灰色一样。柬埔寨暹粒的机场十分特别，面积唔大，商铺也唔多，有点像马来西亚斗湖既小机场的感觉，不过这里的装修更加精致，就像一间小temple一样。入境的时候，果然有官员公然问游客拿小费，一如攻略所写这么腐败。出了机场，见到一个小伙子和一个腼腆既男人同Sara相认了，很顺利地坐他们的车到达了预先book好既I Lodge.  旅馆就在Central Market对面，附近还有一列没有开既商铺，估计比较新吧，地方十分干净，结果USD10双人房每晚有空调有热水，而且免费机场接送，真系唔错唔错。那个腼腆既男人，应该系呢度既老板之一，帮忙我地book了Tuk tuk司机，去买吴哥既门票还有就是车我们上巴肯山看日出，相比之下，呢程车USD6就显得十分不便宜啦。

 

    吴哥门票用既系电子票，要即时影相，不过坦白讲，影得不怎么样，好鬼朦。之后我地就进军神圣既吴哥，第一站，先系巴肯山既日落。一下Tuktuk，就有小孩子上来兜售guide book同post card，聪明活泼既小孩子都懂得用普通话吆喝“两块一瓶水”。所谓习惯成自然，其实早就准备好糖果for这些小孩子，但系一落车就撒手摇头，因为这些行为在国内，我当然是讨厌而远之。《五月盛放》同LP既柬埔寨版似乎系柬埔寨旅游既天书。据说巴肯山只有65米高，但是路上真系熙攘得很，游客们聚集在山上既巴肯寺，各国游人都准备好观赏落日余辉中既吴哥。莫讲话拍照，想望真D都觉得难稳位啊。。。

 

    可惜既当日既天气并不是很好，没有太多的云彩，日落也不见得震撼。只是在巴肯山遥望吴哥，见到土黄既建筑埋藏在一望无际既绿色当中，越感费解点解暹粒会甘大尘。夕阳西下，当大部分游人离去，两位摄影师和模特还在磨蹭，结果我地4个女人响保安人员既监督之下，摸黑下山，recall当年大马响Munutik既sunset point既情景，还有虎跳峡，还有黄山。。。呵呵，经历还不少。

 

    天黑得很快，我地无接受Tuktuk司机既好意，并没有去所谓既dance show同buffect，而是晚上在市区的路上闲逛，地道小食，还有价格不菲既supermarket扫货，想着明天要摸黑出发欣赏日出，就乖乖地会lodge睡觉了。又响一个全新既国度，游走左大半日。

 

    “安全感唔系男人卑女人噶咩？”

    “呢个似乎唔系女人既专利吧？”

    或者呢个系问题所在。重拾某些感觉，因“距离”却步；当距离越来越近，因“安全感”却步。

     

    当我重新走在广雅既校园，总有种不是滋味既感觉。我唔中意呢种感觉，物是人非。120年既沉淀，自然系值得庆贺既。 

 

    大学四年加上毕业三年，第一次我地一行六人来到东莞。樟木头比我想象中混乱，啊荣既屋企比我想象中偏远，啊荣女人比我想象中漂亮，呃。。。啊荣比我想象中又更加“富态”啦。卡拉OK已经唔系毕业前快乐迪既廉价，砂锅粥宵夜倍感熟悉，当大家响房间回味住大学四年发生既趣事和相片，感觉就系响519某晚大家促膝夜谈一样。以前每日都会遇到的人，每日都可能发生的事，今日看来，系如此既难能可贵。听着女仔们响度抱怨咸湿啊叔，男仔抱怨黑暗内幕，依然单纯过纯净水既我，突然间觉得老板好可爱。

    东莞之前，见到左好耐无见既肥鱼。小肥羊既火锅又点及当年423丰富既火锅啊。

 

    下定决心要搞个大project，唔知会唔会成功，唔知成功之后会点样，不过真系希望见到健健康康靓靓白白既自己。生命在于运动，唔知几耐之后，我地又回归天体，同D唔知姐姐定妹妹打左场波，跟住我地仲开始打埋羽毛球添。

 

    凌晨没有两三点不能入睡，系响度搞photoshop。兴趣突然间浓厚到我自己都唔相信。唔知几时，我摆低左呢样也；但系骨子里面既喜爱，不在于你摆低几耐，在于你有无机会重新接触者。对人，可能都系甘样。

 

    难得既机会，join左广州既某个英语club既活动，令我想起Speech Contest in STU。最后既vedio自然质素唔高；但系我可以理解，迄今为此，speech contest依然系我自己最引以为豪既project。想起，没有回Chris既短信，那个开始dating既男人

 

    回忆都系好美好既，但系唔应该停留响度，唔知自己有勇气走得几远，但系：How could you know if you never go? 

   

 

    最近，忙住参加婚礼。

    张小姐既婚礼未免太过复杂啦吧，从英国到佛山到广州，不过我都几enjoy渠同白生甘样既party，无亲戚朋友的“互劈”，确保在场既都系真正想邀请既朋友，吾会有叫吾出名字既人参与。与其讲婚礼，不如讲系名副其实既一个party，一个小聚会，一个机会卑大家表达心意。虽然甘样既场合吾需要人情，但系我都系真心真意地挑选左份礼物卑张小姐，未系好perfect，不过希望渠收货啦。张小姐既婚礼之后，就到白生既farewell，张小姐既farewell，都系可圈可点。渠地于GZ同FS，太多connection啦。。。会吾会因为张小姐，我又再去一次马来西亚？呵呵，吾知啊。。。

    Tina系我好锡好锡既同事仔，渠系第一个batch under我既，好精灵，好醒目，识得人情世故，挑通眼眉。收到渠既邀请，真系好凳渠开心。我仲记得，渠同Chris见到我做也做到好烦躁既时候，请我食饼干，专登过我个位同我讲笑，真系感动到我，呵呵。当晚，我就同第一batch既同事仔一围台，竟然间觉得有D生外，自己真系开始离身边既同事仔好远，希望，可以补救啦。或者我吾识得表达，但系其实我好在意渠地每一个。

    韵怡，六年姊妹但好耐无见既韵怡。婚礼精致浪漫，诚意十足，相信呢个系一对新人想要既。虽然已经离我好远，但中学既回忆真系令人回味，好希望一世都记得同好好拥抱呢段回忆。我甘讲，吾系我仲有D咩放吾低，而系我真系好庆幸好庆幸好庆幸曾经拥有。所以，我会好坦然甘面对每位属于我呢段回忆里面既朋友；当然我知道，每个人都有自己吾同既方式珍藏同保留呢段回忆。之前确实有犹豫过是否参加呢场婚礼，因为想象得到并吾会见到太多熟悉既面孔；而同韵怡既上一次见面，已经系六年前响汕大。但系我发现，如果我无参与，甘先至叫做遗憾。见到几位旧朋友，好开心知道渠地有好既归宿；最重要既系，呢场婚礼也将系呢对新人将来好珍贵既回忆，而我既祝福，有幸成为左其中既一部分。

    好无心肝地，好耐好耐无check MSN email，现在才知道Jessica既喜讯，后来既恭喜，补足晒。。。今年真系好年好年，:)

    参加婚礼，个个都会问我：几时轮到你啊？到我真系无甘自闭同“宅女”，到我真学识照顾自己同别人，到我真系ready for呢种生活方式，到我真系相信婚姻呢样也，。。。估计你都知道个答案：有排啦。所以，吾好再问啦，到幸福来临既时候，我一定会同大家share噶啦；即使我无福分享受呢种幸福，我依然会尽自己最大既努力，开心过每一日。呃，BTW，寻日听到一个朋友离婚既消息，已经系第二个。。。sign...

   

    最近，忙住“吃喝玩乐”。

    张小姐既farewell，竟然系四海一家既自助餐+大夫山单车自由行+堂会唱K。最精彩既莫过于游戏时间，自己卑人摆上台，最激气既讲完真心话卑人当吹水，虽然我有D玩文字游戏，不过确实句句真话，实情系点，自己估啦。。。好耐吾踩单车，突然间想起小学日日踩单车翻学，细个既时候，无烦恼，无压力，几自在啊

    《保持通话》&《画皮》，评价就系：好在都系睇特价电影者

    广州三年展，三年又三年，呢三年，我似乎变得越离越无艺术细胞。土生土长既广州妹其实无咩边样睇得明，某个签名同某个电话就无端端甘笑左餐

    番禺湘菜+雀局，又证明我系几甘傻几甘蠢几甘短视

    大电视，终于买左到手，睇到老豆笑到见牙吾见眼个样，搭住我膊头讲，特价平左成千蚊，我个心都好甜好甜

    Dup骨，好舒畅，等我得闲都去喊下先，FS又多左项值得介绍既地方

    竟然，回复番当年褒剧既习惯，近乎“师奶”既行为，可怜我既家明哥

    罗到份体检报告，终于意识自己年纪大，系时候要收敛下啦，真系要戒毒，戒咖啡同刺激性食物

   

    最近，经常笑，:) 要寻找机会先得

 

    最近经常都想起呢句说话。

 

    篮球真系好吸引既运动，识得打篮球既男仔就更加吸引。百步穿杨，合作精神等等都好容易吸引到我既眼球。打篮球既享受，吾仅仅在于场上淋漓尽致既感觉，仲可以稳到好多乐趣既；可以响工作之余来到篮球场，无论打波定系睇波，都系好写意。虽然我知道，球场上好多男生对于我来讲都只是小弟弟，渠地于我，比起有车有楼既叔叔更有魅力。某次跳起射球既时候，右脚落地轻微扭亲；到最后果次出手，左脚真系觉得抽筋。果一跳之后，我就知道，老啦，甘样同D男仔打一个钟度，就郁吾到啦。突然间recall左多好多也，关于篮球，关于拗柴，关于某班人，拿起手机，竟然可以好坦白甘讲自己既感觉，无修饰，无包装，似乎虽然时间上事隔三年，虽然有着地理上既距离，大家仲系好近好近。

 

    某日公司电话响起，一个外省电话号码，估计系推销信用卡或者追我找卡数。拿起电话，好不客气地报了句“你好”，语气极其之差，估计吓亲对方，令到对方果边都吾够胆讲也。准备挂线之际，对方突然间讲“系米Tiffany”，成年都无听过既声音，响渠同我讲“*生啊”果阵，我先觉悟。。。曾经一步之遥，曾经“同生共死”既，原来其实可以好“近”，只系我地平时大家都懒者，之后既对话，我竟然惯用公司里面“客气”带“骨”既语气，大概都听得对方好吾舒服。一年前，我仲系一个小朋友，无论几忙，心情几差，我永远都吾回用呢个tone讲也，或者我现在真系习惯性地端起个老板款。我真系宁愿做翻个小朋友，有**哥哥照顾既小朋友。因为“*生”，所以有“陈小姐”。呢个称呼，让我真系觉得好亲切。

 

    行雷闪电既时候，都真系几得人惊，果一刻，竟然会挂念。

 

    老细结婚，渠吾知道系饮大左定系开心到傻左，经常语无伦次。某个moment，我又感觉到我自己回到423，有好大一帮哥哥take care我，就算我自己几放纵几任性都好，总觉得好安全好备受爱护。但系我无join到他地既下场，吾知点解，虽然都估计得到他们会有下场，但系就无咩兴趣。可能真系因为某人讲既果个原因。有个甘了解自己既人，甘鬼一针见血，都吾知系好事或者坏事。

 

    竟然，连续几晚失眠。。。哎，罗嗦几句，仲要训噶，有排撑。。。

 

    08北京奥运开幕，中国一定一定要加油。我都一定一定要加油，努力争取吾使加班，呵呵！

 

    呕心沥血，终于完成我既泰国游记，虽然有人觉得吾系好似游记，我仲系坚持我既流水帐风格，呵呵。

 

    最近好多人既QQ空间同埋MSN space都讲紧毕业三年既感慨。01IF都有次不完全既聚会，唱K之余仲要烧埋烤。虽然并吾系好多朋友来到，但是还是很开心，起码见到篮球队同421仲有我地宿舍班女仔咯。如果讲个样，其实大家都无咩点变，人既本质也都无咩点变，不过我相信，其实大家既价值观同生活都有很大改变，可以讲各自各精彩，不知不觉间，其实大家既联络也都开始逐渐减少。

 

    吾知系米同马来西亚结下不解之缘，因为工作，我又再一次来到马来西亚。今次呢两个星期，住响离市区好远好远好远既香格里拉，但系服务就一般啦，而且床单有时仲好脏添，仲有试过突然间断电，都真系有D怀疑系米住紧香格里拉，不过酒店个泳池好正就真。大部分时间都系上3点到12点既更，早上起身就可以去shopping啦，去双子塔啦，不过吾知系米生物钟吾适应，总系觉得好累好累，就甘样buy time，基本上已经逛左吉隆坡，周末的时候更加系出全力甘去扫货，鞋我都买左两对翻离，想翻都觉得自己夸张。不过对老豆就差左D，净系买左两支虎标驱风油，自己都觉得好惭愧。云顶个trip好抵，有赌场有跳楼机有show睇，响大马生活都几多姿多彩啊。回来既果程飞机，真系惊魂未定，部机飞到一半，突然间就话要飞翻机场换过部飞机喔。真系晕，好在当时我响飞机训到只猪甘，完全吾知渠讲咩，就系发觉后来飞翻机场先知部机有问题。。。想翻反而仲得人惊，有时D也，突然间无左就无左，记得要好好珍惜啊。

 

    MT又相约HK狂欢。去翻年几前去过既酒吧，吾知点解，已经吾会好似以前甘尽兴。年纪大左，唉，姊妹们注意身体啊

 

    响无人邀请之下参加了野猪既教堂婚礼，好神圣好平静，虽然座上我估计很多是来看热闹既人，但是见得到野猪甘甜蜜既笑容，吾知道系米有宗教既色彩，听住好好听既唱诗，听住他们朗诵圣经当中男女结合的语句，听住他们讲“我愿意”，觉得系好让人信任既婚姻，真系相爱既婚姻。

 

 

    VIP巴士回到曼谷的Khao San Rd，结果只有凌晨3点半，如果我，可能就会选择稳间24小时既M，休息几个钟头就继续出发。估计李琳真系训得好差，所以就希望翻去我地原来果间旅馆休息。本来以为旅馆会照收费用，点知呢间River View真系友善到，结果仲系可以好好甘训左几个钟头。

    今日的路线，我地就系走游客路线拉，先系驰名的大皇宫，用咩形容呢，只能够用四个字：“金碧辉煌”。吾知点解，觉得泰国的皇室跟市民的感觉很近，例如周边的建筑物都有国王或者王室成员的图象。我们游览泰国的时候，国王的姐姐刚刚过身，也都有市民进大皇宫拜祭。然后就是卧佛寺，黎明寺。。。其实，个人更加喜欢黎明寺，比起一味堆砌金块既豪华建筑，黎明寺更加显得独巨匠心，平稳整齐的瓷砖花纹，登高就能见到湄南河的全景。

    做左半日游客之后，我地就去市区火拼啦！先系去买果D闻名世界既好平好平既BRA，然后就卑我发现平时买开既护肤品系广州既半价左右。。。

  

    快乐既时间过得特别快。。。话甘快，又系时候翻广州啦。。。期待下一次游走，希望真系可以完梦啦！

 

　  呢日系我地响清迈既最后一日拉，夜晚就会坐VIP Bus翻去曼谷。一直都未有时间好好甘逛下清迈，而且我自闭噶嘛，梗系自己租部单车周围去下啦。其实清迈古城一D都吾大，我骑着自行车，大概用了40分钟左右就可以睇晒，当日可能系佛教某个节日吧，很多寺里面都无人，反而是有僧侣响街道上开坛讲课。

    清迈是安静既小城市，房屋只有3到4层，感觉距离蓝天很近很近，很舒服很舒服，街道不宽，很干净，就是狗多了点，感觉很象日本漫画里面的街道一样。沿途会发现，不用隔两三个街口，就会佛教寺庙，就连学校也都装修到成间寺庙甘。中午响学校外的一间小食店用20B试了海南鸡饭。

    下午的时候，我走出古城，打算去哪个早上的market买下纪念品，点知道搞离搞去都吾知点行，而且天突然间下起了倾盘大雨，我就索性还了单车，又享受了两个多小时既message，今次呢个啊姨既手势真系正好多，又够力喔，出于对呢个啊姨既信任，我还尝试了精油按摩，舒服得不得了。早早的晚餐，试了芒果糯米饭，很sweet感觉，还有，我在清迈放弃不得既咖喱啦。

    晚上6点，就要坐车回曼谷拉。清迈果然系一个很让人舒适，很适合发呆的地方，可惜停留的时间太短了。。。

 

    响guest house订做800B既one-day trip，据说有得去睇长颈族，有得去竹筏漂流，有得玩漂流，有得玩山林探险，有得骑大象。。。好丰富既节目，觉得真系抵到烂喔，响广州RMB200一日都吾知玩到D咩。早上起身，李小琳吾舒服，就得番我同伯伯去玩啦。呃，沿途伯伯讲左好多好多，我发觉我真系自闭，同埋真系好难想象点解有人会嫁卑外国人，成日甘讲英文就真系累死咯。

    第一个赠送项目系参观蝴蝶谷，热带既花朵果然缤纷灿烂，无咩值得highlight既；另外一个赠送项目就系观察大象粪便造纸过程，更加无也值得highlight。

    终于吾系赠送项目，就系参观一些特别既族人，他们在泰国并没有身份证，忘记了导游说他们为什么逃亡来到泰国，所以生活就在森林里面，搭棚招徕客人。这些特别既族人包括长颈，黑牙，大耳，肚环，其实就是去参观他们既工艺品小商品铺，相当于纪念品一条街，所以对于导游讲既也，我都系半信半疑。个人觉得，他们简直扭曲了normal既审美观点，虽然还是很好奇和很友善跟他们合照了，但是心里面还是与点怕怕的。

    期待已久既骑大象旅程，原来好好好好好好玩噶！只象仔郁离郁去，可惜身边坐果个系伯伯。即系，呢个吾系咩特别浪漫既旅程，身边如果系个年纪相当既朋友仔或者鬼仔，都无咩所谓既，伯伯年纪大，连骑大象都惊咯。不过最好玩既一幕系，我地骑紧果只大象好肚饿，结果就用个长长既鼻子卷起了一大棵香蕉叶，一路骑我地一路食，经常上落坡，感觉好似过山车甘，哈哈。

    中午一餐地道不过吾干净既自助餐之后，我地就卑导游带左去个小山谷，D鬼仔鬼妹见到有瀑布都吾知点解会甘兴奋，啊伯伯都全身跳晒落去玩。我想讲，甘既瀑布仔，响鼎湖山都吾知有几多，徒步虎跳峡沿途都有好多好多啦，都无解。好在D同游都有个鬼仔几养眼，如果吾系都真系闷死我啊。

    下一个项目，就系漂流啦。落水之前，好似好大阵象甘，要着晒救生衣啦，然后脚一定要顶住只船，仲要有人带先得。比起咩肇庆清远漂流好似认真得多。原来真系刺激好多噶，分分钟都会撞到石啦，同埋有几个位置水流好鬼急，曾经试过碰到石头，要靠船桨调整先可以继续前进，而且水浪好厉害，我真系好中意玩呢个，超抵超正！

    紧接住落离既竹筏漂流就不如阳朔遇龙河漂流啦。不过周边既风景倒是有东南亚风味既。之后半个钟头既森林探险，周围都系好绿好绿，而且比较潮湿。途中遇到两位波兰来既背包客，成个trip，3日都系森林探险，真系令人佩服啊。确实，大自然既景色真吸引，而且系不可以抗拒既。

    下午6点多，回程归来，见到健康开心既李小琳，还为我地稳到间更加平既guest house，离开了Green House，来到一间意大利老头开既招待所感觉既guest house，就是100B双人房，真系超值。在路上遇到一间感觉很地道既泰国小菜，那里的咖喱真的很赞，伯伯也很赞那里既fish & chip，试了当地既啤酒，share了小琳游船既经历，然后响伯伯既带领之下，我地去见识泰国既夜生活。

     所谓既酒吧，无形添加既一道风景线就是有些穿着三点式既女仔，燕瘦横肥咩都有，响D客人面前大跳热身舞，我地认真观察既话，还睇到有D人在“交易”。我同小琳两个穿着T-shirt牛仔裤既，显得十分碍眼，吾知系因为酒精作用定系确实因为同性不相吸，我竟然困得紧要。。。甘又一日

 

    响大城既火车站上车之后，就开始享受我地既火车之旅。呢个系网络上闻名既廉价舒适既通宵火车。我地买既系二等空调车厢既下铺，原来下铺系由两张折叠沙发构成既，中间加张小桌子，就跟普通既车厢无咩区别。而上铺既床也是可以折叠既，可以拼到车顶。一上车就见到好多鬼仔鬼妹，渠地又啤酒又零食甘，真系当正呢度系渠地狂欢地方。不过我呢只猪就好少理，无几耐就训着左，而且一训就训到天光，应该系最近训得最舒服既一晚。

    次日早上大概9点到达清迈火车站，见吾到有免费地图派发，见吾到有到市区既巴士，见到好多人在招徕客人，见到好多红色既越野车，吾知系米传说中Taxi。无奈之下上左部巴士，同几个鬼仔一齐拼车，终于来到我地预订既Green House，间guest house真系好舒服好绿色，风扇房有露台有公共卫生间就350B，即席RMB80左右啦，不过感觉还是很好很舒服，老板叫Nine，好nice。可能因为我响火车上训得很好，也因为进入清迈既小镇，好想好想出发去好好探索，点知道要等伯伯。搞到大概中午时分，终于见到传说中既老伯伯啦。。。呃，点讲呢，就系伯伯一个咯。

    响Nine介绍既意见睇到泰国菜馆吃饭，我应该是叫了一个咖喱面的东西，好正。清迈既咖喱真系让我流连忘返既。之后就根据我plan既行程前往著名既双龙寺。先是要打的士到山脚，谁知道在山脚等左好耐好耐，都系得我同李小琳，但系如果我地两个上山，司机又高价话350B一程， 如果系一个人来回就只是70B不过要有10个人拼车。正当我犹豫紧，有三位外国友人也都来到山脚，要拼车上山，大家各个国家吾同既英文发挥女人讲价既天性，终于炒到85B每个人。。。

    传说中既双龙寺没有想象中那么大，先是要走大概200步台阶，就见到若大一棵菩提树，泰国既寺庙都非常凉爽，也都吾知系米因为呢样也，所以特别多人愿意出价做和尚。脱下凉鞋响走进双龙寺，最让我舒服既就系听到好清脆既风铃声，也可能人在山上，特别既清凉。我地围住主建筑走了三圈，据说甘样系可以祈祷顺利，于是我就诚心诚意细细念叨着，但愿屋企个老豆一切都好，最紧要渠开心。去到寺庙，听到某个带住台湾客人既导游讲，可以主动跪倒得道高僧面前，会洒圣水并且将开光的手带相赠。我地自然也都吾会错过。吾知泰国游无风水一说，呢度肯定系宝地。

    回到guest house，会合左伯伯，我地就开始闲逛清迈呢个古城了，先是稳到间盲人按摩，做左一个钟头好松弛肌message，不过我觉得Jenny姐介绍既果间正D咯，泰式message似乎就力量大D咯。继续逛，就来到夜晚著名既market，感觉嘛，咪就泰式西湖路夜市咯。

    好吾紧张甘度过左清迈既第一日，期待接着下来骑大象既one-day trip。。。

    6点半起身，都吾知点解要搞到成7点半先出到门口，我都真系卑李小琳激死，好在火车系8点20分出发既，去到火车站依然可以买到票。不过好似果日发生左D意外，火车误点等左成个钟头。20B既火车，折合先人民币5蚊，虽然得风扇，同埋我地既系企票，个人觉得，甘既价钱，完全可以接受啦。大概一个多小时，火车就到左Ayuthaya （大城），传说呢度曾经系某个王朝既坐落地方，之后因为战争，好多建筑备受破坏。当时做攻略既时候，已经见到好多好漂亮既相片，古老既城墙，残旧不齐既寺庙，反而显得更加有味道。
    下左火车，我地尝试问火车站既人员罗地图，结果竟然系无地图，渠只系叫我地去火车站睇份大地图，即席贴出离果D。无办法啦，我份攻略又无好详细既大城，唯有睇下份地图睇下点样打发呢一日啦。响我地研究地图既时候，有位貌似忠厚老实既当地人问我地要吾要租Tuk Tuk去游览大小寺庙同建筑，根据我事前做既功课呢，吾系踩单车，就系租Tuk Tuk去游览。个叔叔话要300B一个钟头，甘成日米要成1500B？我地都觉得吾系路，结果最后讨价还价之后，就系1000THB包车6个钟头，折扣人民币一人两百多啦，如果人多就划算D。鬼叫我无认真做攻略咩。。。
    上做部Tuk Tuk，原来老板系同老板娘一齐稳食既。两人首先带我到Wat Yai Chaimongkhol，真系震撼，经岁月洗礼既建筑物才见得有味道，其实残旧既建筑吾使翻新既，维持原貌反而更加让人震撼和谨记历史带卑我地既。

            

    之后我地又到左另外一个免费既寺庙，里面既风格可以将千奇百怪，哈哈，有财神庙，有好像舍利子既建筑，真系佩服泰国人既信佛既多样性。

    马不停蹄地，我地离到Wat Mahathat，见到著名既树身佛头。中午在河边既食店吃饭，也不知道其实老板同老板娘有无收回佣，因为价钱都吾平，眼泪泰国既芥兰好贵既，餐牌无中文同无相，点送真系都几困难，不过有个酸辣海鲜椰青就好正，D软软地既椰青入口原来好舒服，应该系未熟得晒既椰子离既。泰国服务业既态度就真系，不予置评咯。。。PS：大城好多好多好多狗，真系搞到我怕怕。。。

    

    之后我们还去左Wat Chaiwattanaram， Wat Phra Si Sanphet，好多好多，仲有好大卧佛，各式其色，真系好鬼审美疲劳。。。

    晚上响某间guest house冲个靓凉，guest house既老板发现我地卑左成千泰铢Tuk Tuk既老板，渠都好惊讶，唉，睇离我地两个又做左水鱼啦。匆忙赶到大城火车站，根据老板既指示离到码头，坐住只好鬼细既船仔响黑夜中既河道上，都几鬼搞笑。点知晚上卧铺既火车晚点，等左大概一个钟头，终于到左，然后就上左卧铺既火车，好紧张既大城一日之旅就完美结束啦。踏上火车之后，开始做我一直期待既清迈既休闲之旅。。。

 

    好夜啦，不过想写篇也。好耐好耐都无呢种感觉啦，星期一直五既生活都可以有D也值得highlight。

 

    今晚，去左近闻大名既明珠体育场打波，比起天体，人吾算多，RMB4入场费，见识左打篮球好厉害既同事，一睇就系D吾乖既同事，不过呢D人响球场上就真系好吸引，哈哈。足足9个月，无淋漓尽致甘打场波拉，虽然时间吾长，但系好尽兴，同D男仔打，要跑得好快好快，都叫做有机会罗波，而且入左好多波，哈哈。

 

    之后既南海广场唱K，吾错吾错，MCM果D人真系可爱。

 

    生活，应该系好开心好开心既

 

   早上8点多起身，Nikki对weekend market十分有兴趣，我地离开既飞机系星期六朝早，所以我地只能选择今日去了，不过首先还是要去火车站买好到大城同清迈既火车票。好快梳洗好，落到楼下既7-11，饮品好便宜，一大杯大大既阿华田冰沙都系RMB 5左右。就甘样食左Nikki从GZ带过来Bangkok既面包，加杯阿华田就搞掂左我地BKK第一餐。买左HAPPY Card，不过后来发现overseas call好贵，99B里面有35B话费，打左个电话番屋企就无钱啦。

 

    按照我地既计划要打的去火车站先，响Khao San Road满路都是TAXI，但系个个话去火车站都要成100THB，根据前人经验，最好多系打表，不过沿路问过去，都无人肯“use meter”，据前人经验，如果用表的话，大概就是50B，泰国人还真会骗游客钱。估计鬼佬吾会好似我地甘纠缠落去。沿住Khao San Road，吾少银行可以兑换泰铢，兑HKD既rate大概就是4.15那样，我地走出了路口，就连路口随手截到既的士都要100B，好不容易有位的士司机愿意用meter，果然，就只需要50B。

 

    呢个火车站，好鬼古老，感觉也都好有特色。铁路车轨就在公路旁边，只有矮矮既铁栏相隔，人们就坐在大堂地下等车，都吾知点解有凳吾坐。印象中有电影都响度取过景，不过具体我就讲吾出系边出戏。遇到个好友善既小姐，大概系火车站info centre既服务人员，专门serve外国游客挂，原来大城系短程，吾可以买定先既，然后就买落左大城到清迈既火车卧铺，816B下铺空调二等车厢，都几期待到底系点既。呢位小姐仲好helpful甘教我地坐地铁去Chatuchak Market，就是坐地铁到Kamphaeng Phet。

 

    地铁口有人要查随身携带既物品，要开个手袋卑果位哥哥睇下。地铁里面十分宽敞，而且人不多，感觉很舒服，不过也有可能因为火车站系总站。好轻易我地去到Chatuchak Market。个Market真系好大好大好大，而且系充满东南亚特色既，同KK既相似，咩都有得卖，工艺品啦，食品啦，植物啦，衫啦，卖艺啦等等，特色在于有好多特别既工艺品，行多左几间，感觉也有点像一德路既批发市场，也都有D也吾系甘特别，吾知系响中国罗货定系中国由泰国入口啦，价格也不是特别便宜，不过折合人民币后还OK啦。响呢度，我收获左一个小水晶，几只可爱既小戒指，仲有一条披肩。响街边既某间小食店试做Pad Thai，泰式炒面？我觉得味道还可以啦，值得一赞既系，泰国既果汁好好饮，呵呵。午饭过后，天就全黑啦，准备滂沱大雨，我地就赶快躲进室内既店铺，响一间“丝绸店”认真地拣披肩。就甘样，我地就避过左呢场过云雨。雨后，Nikki似乎还意犹未尽，卑我逼着逼着，下午大概三点就离开了Chatuchak Market，虽然很精彩很特别，真的值得过来走走见识下，但买手信同购物吾系游走既主要目的，更何况我地都仲会有时间响BKK。离开Market我地还是坐车到火车站，吃攻略里面赞既猪肉丸米粉，一般般啦，就是香料多点，否则还比不上潮汕既肉丸米粉啦。所以，某些时候，真的不要执著于攻略。

 

    对著地图，也都抓紧机会问途人，我地费左大半个钟头才走到China Town。呢度既燕窝好出名，平靓正。行左好几间，我地见到一间叫“海外天”既，燕窝100B，鱼翅先300B，而且仲上晒报纸，睇落都好干净，于是就决定入去试啦。哈哈，燕窝当然滋润啦，蟹肉鱼翅褒好鲜甜！China Town仲有好多金铺，D金就甘挂晒出离，真系金光灿灿，吾知点解吾会怕人打劫既？仲有好多推车档，卖既系果条等等潮汕地区既食物。

 

    沿住耀华东路走，就吾觉吾觉甘穿过左China Town了，其实感觉很一般啦，吾干净，吾现代，不过就有人识得讲中文，同埋商铺好多名称都有中文咯。跟住地图来到了渡口4号码头，每人15B到13号码头，准备到我地今晚既住宿地方Bella Bella River Review Guest House。传说中既河就真系连十年前既珠江都不如，叫做好有东南亚风情咯，条河真系黄到啊。。。两岸既风光反而更加吸引。见到传说中既黎明寺同不知名既寺庙，两岸没有高楼大厦（几日之后我地再游船河，发现系呢段无高楼大厦者），感觉同天空好接近。到了13号码头，睇地图沿路走，见到河边好靓既一个广场，仲有一座白色既建筑，应该系炮台，感觉好宁静。广场上见到有人玩杂技，有人打羽毛球，我想应该就是我地海珠广场甘上下既地方了吧？其实往人多既地方走，好容易就会行到翻去Khao San Road。越来越对Khao San Road失望，就好似系兰桂坊+西湖路夜市甘样，所谓既背包客天堂变左泰国骗游客钱既集中地。

 

    响原来既旅馆拿出行李，然后又问人又睇地图甘，终于来到了Bella Bella Riverview Guesthouse，好赞好干净既guesthouse。因为今日其实走既路也算比较多，好迫切想冲个热水凉，于是要了间有AC有bathroom既twin room，470THB。所有guest响呢度都脱鞋，可以在阳台晾衫，感觉就是舒服得不得了，哈哈。。。终于可以好好休息同整顿，明天就出发去Ayuthaya（大城）啦。

 

    呃。。。见Janet姐都留晒言甘叫我交功课，唯有勤快D交左功课先啦，否则都吾知我几时会写完篇游记。。可以删除一个最不喜欢的,还有加上一个题目...

1. 從誰那裏接到題目的？TA和你是什麼關係？TA和你以前關係好嗎？現在呢？ 
 Janet姐咯，同事，吾同届既MT，响F××开张早期既时候来attach左半年；以前吾识，家下好熟咯。

 

2. 如果現在讓你隨心所欲去旅行，你想去哪兒？  欧洲

 

     2月中的时候就已经订了Macau到Bangkok既机票，约RMB850。虽然时间不是很好安排，晚上9点半既飞机，当地时间11点多才到，当时就是图特价机票既便宜。12点20分中国大酒店到澳门既车，早上起身先去买齐D也，一路食饭一路打电话交代好D也，卑老豆不断地啰嗦，好紧张地响地铁站借到细路既SD卡，点知Nikki仲夸真系12点15分先到。天气真系好吾稳定，刚开车，瞬时间就黑晒，滂沱大雨，3个钟头既车程之后，离到澳门先换港币（据说RMB兑THB既汇率相当不理想），避免晚上Bangkok机场换钱有任何困难，我地仲换左HKD500几系THB2000以防万一，仲响M享受将军汉堡同绿茶红豆新地，好赞。雨还是不停地下，即时时间很充裕，还是没有计划进去市区啦。
    大概5点左右就坐巴士到机场，7点才check-in，于是Nikki就开始读攻略。由于天气既问题，飞机delay半个小时，到达既时间已经系晚上既12点15分，就是北京时间既11点15分，曼谷跟广州有一个小时既时差。曼谷机场很大很大，但感觉指示不是很清晰。呢趟亚航既飞机很小，也没有派发曼谷既入境卡，到机场海关既时候，我地也都反应吾过来，结果耽搁一会，然后到处找攻略所讲既换钱机器，也吾知系我地理解错定系攻略写错，见到只有ATM机，我估计攻略可能所指既系旧机场或者所讲既就是泰国周围都有既ATM机。出了闸口，发现好多人响度招徕的士生意，也有好多电话卡既店铺同银行。虽然已经是晚上12点多，其实机场还是灯火通明，也有很多商铺，地方也很宽敞，怪不得我真的见过有专门写在泰国机场过夜既攻略。响某间bank见到个rate系5.16，开始狠狠地怀疑攻略既准确性，拿拿声换翻RMB500先啦，然后人地就好helpful甘帮我出左张单，要我签名，甘我睇都无睇就好开心甘签左，罗到钱发现得THB3920，呃，人地讲紧5.16系买入价，卖出个rate系3.92，真系好吾靓仔，仲差过HKD个rate。出国游对于我离讲最复杂就系呢D钱银问题噶啦，真系超傻啊。
    其实已经过左12点，根据攻略同上网查到既资料，Airport既Express bus肯定是已经收档了，当然应该还有public bus，不过不是直接到我地订既酒店，所以我地都知道系要打的士噶啦。一位应该系资深既机场人员，响我地睇紧地图既时候同我地搭讪，同我地讲Airport Express已经收左啦，仲话带我地去楼下既bus stop睇下，我地即时非常奇怪，既然都收左，甘带我地去睇咩呢，吾好玩啦；我地婉拒之后问渠TAXI既info，渠就教我地去4楼既离境大堂打的，因为2楼系入境大堂，TAXI等左好耐，要价会比较高既。当时我都吾知信吾信好，机场吾似KK个机场比较细，一眼望晒；似乎比KL既都仲要大。问多左个着晒套装，好似系为旅游者提供信息既，讲到TAXI价成THB800，甘唯有试下4楼离境大堂果度系米有的士啦，果然系有。我地同迎面而来既一位司机（心口挂住佛像）讲价，讲到THB350，虽然攻略上讲THB300就OK，不过甘夜，讲紧都系人民币每人几蚊既差价，甘我地就坐上呢部的士，去到Khao San Road附近，传说中背包客既天堂。
    我地订既guest house叫TOP Inn，当时怕太夜，Nikki也不prefer响机场过夜，所以提前订guest house。响攻略上赞既都吾觉有网上预订，所以在一个专门介绍Khao San Road既网站订左呢间，双人房with FAN & bathroom就THB430，RMB100也不用。大概因为guest house不是很出名，好在预定既email里面有教我地点样去。TAXI停响Khao San Road路口，已经凌晨一点，还是见到很多鬼佬响条路上面，仲有好多BAR开紧，好吵好大声，吾怪得也都听讲过话呢度简直吾系人住既地方。沿住email既指示，好快稳到间GH，转入左某条巷仔，相对比较宁静啦。等我地整顿好，梳洗完，训觉果阵已经系凌晨3点既事情了。

 

    四川大地震，震碎左千万个家庭，震断左千万人和亲人朋友既联系，这些突如其来既生离死别，一定令人好心痛，千万既人都会为此而心痛。可以做既除左捐款捐血，更重要既系珍惜眼前拥有既所有，兢兢业业做好自己既本分。相比起呢千万人既不幸，我地真系好庆幸。我知道，绝境当中既生存意志，系来源与某种牵挂，希望渠地可以感受得到全世界人对渠地既支持同鼓励，坚持落去。2008，中国多灾多难，positive D，系诸多考验，身为草根派，吾够胆发表长篇大论，不过我相信，中国人，系会互助互爱。想渠地吾放弃，首先我地要坚持。

 

    2008年，也系喜事连连，收到三个婚宴既邀请，三位新娘都系准妈妈，新时代新潮流。好消息当然吾止三个，有人诞下可爱既女儿，有人幸福到announce自己已经名花有主。虽然都系好消息，但系似乎还是离我好远好远，仲系无咩长进。离开公司，还是小朋友，很需要人照顾既大孩子。

 

    2年后，见到几位J****既旧同事，大家还是那样，旧公司里面的人和事已经吾记得好清楚，有些话题跟吾上。Suphia还是那么单纯，Sasa还是那么体贴，Cherry还是那么爽直，Phoebe还是那么可爱，Grace还是那么干练，Joyce还是那么实在，当然还有新娘子Vivi。。大家还努力着，真系很佩服渠地既坚持同韧性，而我，workload同压力跟在J****既时候系有过之而无不及，不过吾使24小时on call，同事仔好乖好可爱，仲有好好既老板，有对比之下，还好还好。

 

    不知不觉已经2年，完成左MT program，吾使再Act，又一次毕业。呃，比上不足比下有余，凡事都不能尽善尽美既。讲完发泄完，咪又继续。因为仲有好多旅游大计，因为仲有屋企个老豆，因为仲有好可爱既同事仔，因为仲相信渠既守护，所以吾可以好似某D人甘潇洒。本来只系聚餐甘简单，吾知点解好似贺我毕业甘，收到两扎好大扎好靓既花，好surprise好开心，虽然好辛苦虽然好燥虽然有时handle吾过来，但知道渠地appreciate你既努力感激你既付出，就觉得“值得”。

 

    今年既生日，真系无咩感觉，自己经常都吾醒起。星期五回家，同爸爸食左一餐好简单好平常不过都好丰盛既晚饭，算孝顺啦挂，哈哈。不过，收到两份特别既礼物，就系同事仔既蛋糕同卡片。200几个人仔，系我辛苦既原因，但都系我坚持既原因，也都希望我会系渠地坚持既部分原因。

 

    好忙好忙甘，吾知忙咩，又一个月。车牌笔试终于通过，手提终于修好。我相信我可以继续坚持既，前提系要过得开心D。

 

    最后不要忘记讲句：祝所有童心未泯既人六一儿童节快乐！